Kollegiet
Kollegiet
Siniffissallu imatut agguataarneqarsimapput, inimi (lejlighed) ataatsimi sinittarfiit marluupput siulleq sinittarfik angisooq marlunnik siniffilerneqarsimasoq sinittarfeerarlu ataaseq ataatsimik siniffiligaq taakkualu anartarfik uffarfillu ataaseq ataatsimooruttarpaat.
Piareersimaffigisassaavorlu inimut sinittarfimmut anginermut inissinneqarsimagaanni allamik ineqateqarnissaq.
Kolligie-it tamarmik quleriiupput allermilu Init (lejlighed) sisamaallutik qalianilu init (lejlighed) pingasuusut saniatigut isersimaartarferujussuaqarluni isiginnaarutitalimmik (TV) nipilersuutit aammalu iggavik (thek
Etage-iat tamarmik illup iluani oqarasuaatit atorneqarsinnaasunik peqarpoq qalianili avammut sianersinnaasumik telefonboks-eqarluni, taannali isortortumik normoqartinneqarpoq.
Isortortumik normoqartitsineq ilinniartunit nammineq piumasarineqarnikuuvoq.
Inuilimut atuariartorsimaguit, kollegianilu najugaqarlutit ineeraqarniaruit, taava tigussaasumik
makkuninnga pingaartitaqartariaqassaatit.
Oqorutit
Nammineq oqorutinik nassassaatit, maani kollegiami najugaqarniaruit, namminerlu errornissaat
isumagissallugit. Oqorutinik nassataqanngikkuit, atuarfimmi atorsinnaavutit. Tamanna
qaammamut 100 kr.´qarpoq.
Errorsivik
Errorsivitsinni errorsiviit atorsinnaavatit. Ulluinnarni ilinniartunut ammassarput nal. 16 aamma nal.
22 akornanni kiisalu weekendimi ulloq naallugu. Errorsivik angineq 10 kr.`qarpoq kiisalu errorsivik
mikineq 5 kr.`qarluni. Allaffimmi errorsinermut mønt´ersisinnaavutit.
Ineeqqanni eqqiluisaarneq
Ineeqqanni eqqiluisaarnissaq nammineq isumagissavat. Ineeqqannut eqqiaanermut qaqorsaatit
equutissiallu nammineq pisiarissavatit.
Sumiiffinni tamani atorsinnaasassinnik eqqiluisaarneq
Ilinniartut peqatigiillutik sumiiffinnik tamanik atorsimasassinnik eqqiluisaartinneqassaaq,
kusanartillugulu. Inuili sumiiffinnik tamani atorsinnaasassinnik eqqiluisaarnissamut qaqorsaatinik
equutissianillu isumaginnissaaq.
Inuilip nukissiuutitigut politikkia
Inuilimi avatangiisigut paarilluarpavut. Taamaattumik pingaartuuvoq, eqqaamasassagut ineeqqani
kiassaat sakkukillisassallugu, ineeqqat silaannarissaraangakku, angerlarsimanngikkaangavit qulliit
qamittassagitit imermullu kuuffiit kusertassanngitsut. Arlaannik aserortoqartillugu, allaffimmi
atorfilinnut nalunaarutigissavat, taava sapinngisamik sukkanerpaamik isumagineqarumaarpoq.
Ilinniaraluaruit imaluunniit pikkorissaraluaruit sapaatip akunnera 1, 3 - 4 - 10 – 13 imaluunniit
sapaatit akunnerini 15-ini, taava kollegia inuunerni pingaarutilittut oqaatigineqarsinnaavoq.
Kollegiami ilinniartooqatitit pikkorissartullu qanilluinnarlugit inooqatiginiarpatit. Angerlarsimaffiit
aatsaat qimassimalerukku imaluunniit perngarlutit aatsaat taamak inunnik amerlatigisisunik
najugaqateqaleruit taava tamanna ilinnut annertuumik allannguutaavoq.
Tamanna tamanut, akisussaassuseqarluartumik, innimisulluni, ammalluni ataqqinnillunilu
pisariaqarpoq.
Ilimanarpoq siusinnerusukkut inuunerisimasannut naleqqiullugu ilinnut allanullu akisussaaffik
annerusumik tigussagit, aamma siusinnerusukkut inuunerisimasannut naleqqiullugu
innimisunnerusariaqassaatit, ilatit ilinniakkeriniarlutik eqqissisimasumik maaniikkusummata
imaluunniit innajaarusullutik.
Imaassinnaavoq piffissanngortoq ammanerulernissannut, misigissutsitillu eqqarsaatitillu
eqqarsaatiginerullugit.
Imaassinnaavoq siusinnerusukkut inuunerisimasannut naleqqiullugu ilikkartariaqarit
ataqqinnissinnaallutit allanut, allat misigissusaat, oqaasii iliuuserisaallu sungiusimanngisatit
iliuuserisariaqarlugit.
Tamakkua tamaasa eqqarsaatigalugit imaassinnaavoq ilinniartooqatitit, pikkorissaqatitit, Inuilillu
sulisui suleqatigalugit maani najugaqarnerit inuttut pissarsiffiulluartoq.
Inuilimut Inuilimiillu atuariartussallutit angerlalerlutit angalaleruit, Inuili ilinnut billetsisissaaq.
Aqqutaani unnuisariaqassaguit Inuili ineerassannik inniminniissaaq ilinnut.
Ilinniagaqarnersiuteqartitsivik – USF, Ilinniartut angalanissaannut billetsisinermi
malittareqqusaasut naapertorlugit malippavut.
Malittarisassat naapertorlugit billetsit akikinnerpaat pissarsiarissavagut.
Assersuutigalugu imaappoq umiarsuarluni billetsi + nerinissamut billetsit katillugit
timmisartukkoorluni billetimiit akikinneruppata taava umiarsuarmut billetsisissaagut ilinnut.
Timmisartukkut angalarusunnerussaguit ajornanngilaq, illit nammineq timmissartukkut billetsip
akisunerunera nammineq akilerukku.
Nr |
| Kolligiet-ni malittarisassat | Point |
1 |
| Inuili-up kollegie-ni kingusinnerpaamik nal. 22.00 eqqissiffiussapput. Nipituumik pissusilersornerit, nipituumik nipilersornerit, nipituumik oqqannerit, eqqissiviilliortitsinerillu allanut akornutaasinnaasut inerteqqutaapput. | 3
|
2 |
| Inuili-up Kolligiet-ni uumasuuteqarneq inerteqqutaavoq | 7 |
3 |
| Sillimaniarnermut Alarm peerneqaqqusaangillat imaluuniit assiisoqassanngilaq tamanna pisimappat taamaaliortoq 1500Kr akiligassinneqassaaq tamassumallu malitsigisaanik mianersoqqussummik malitseqassalluni |
12 |
4 |
| matuersaamik katatsisimagaani imaluuniit tammartoqarsimatillugu akiliutissaq 1000Kr naleqarpoq | 2 |
5 |
| Inuili-up kolligiet-aani ineeqqani pujortarneq inerteqqutaalluinnarpoq pujortarsimasoq paasineqaruni 1500Kr- akiligassinneqarumaarpoq taassumallu malitsigisaanik mianersoqqussimmik tuninineqarumaarluni |
7 |
6 |
| Nalinginnaasumik sapaatip akunnera marluk tikeraaqartoqarsinnaavoq tamannalu allaffimmut nalunaarutigineqassaaq, akuerineqarsimassallunilu. Tikeraaqarneq sapaatip akunnera marlunnik sivisunerussappat allaffimmut akuerineqaqqaassaaq allaffimmullu nalunaarutigineqassaaq ineqartumit akilerneqarnissaa eqqarsaatigalugu. |
0 |
7 |
| Inuili-up kolligiet-ni imigassaq inerteqqutaalluinnarpoq, imigassartorsimasoq mianersoqqussummik tunineqartussavoq aappassaanilu allakkatigut tunineqassaaq pingajussaanilu taamaasiortoq erngertumik kolligiet-niit anisitaanermik kinguneqartinneqassalluni | 7
|
8 |
| Inuili-up Kolligiet-ni aangajaarniutit Ikiaroornartorlu inerteqqutaalluinnarput, tamassuminnga malinningitsoq erngertumik kolligianit anisitaanermik kinguneqartussaatitaavoq | 20 |
9 |
| Ikuallattoornissamut upalungaarsimaneq pissutigalugu kolligiet-ni naneruusersorneq inerteqqutaavoq. | 3 |
10 |
| Sulisunut najugaqartunullu sioorasaarineq, qununartumillu pissusilersorneq akuerineqanngillat, taamatut iliuuseqartoq | 20 |
11 |
| Inuili akisussaanngilaq pigisanut ilinniartut ineqarfianni najugaqarsimasup qimataanut | 0 |
12 |
| Kollegie-nut aallaasit nassaqqusaanngillat, toqqortaatigeqqusaanngillat aammalu atoqqusaanatik. | 20 |
13 |
| Kimmivikut arsaakoorfinnut iginneqassapput, eqqagassat eqqaavinnut iginneqassapput. | 3 |
14 |
| Inuili-p kolligiet-ni 23:00 errorsineq unereersimassaaq tamatuma kingorna errorsisoqaqqusaananilu panersaasoqarsinnaanngilaq. | 3 |
15 |
| Nal. 23:00 kingorna iggavinni ataatsimoorussani, nerisassiorneq kissartunik inerteqqutaavoq. | 3 |
16 |
| Najugaqartup akisussaaffigivaa inini qimaleruniuk matuni matulu silarleq parnaassallugit, parnaarsinngitsoorneq najugaqartup nammineq akisussaaffigaa, tillinniarfigitinnerlu Inuili-miit taarsiiffigineqarsinnaanngilaq. |
0 |
17 |
| Sillimaniarneq aammalu ikuallattaalisitsiliineq peqqutigalugu nammineq pigisat imaluunnit pisattat kollegiani gangimeeqqusaanngillat. | 4 |
18 |
| Kollegiani ineeqqaniit imigassanik aalakoornartortalinnik, soorlu viinnit, imigassat kimittuut aammalu baajanik tuniniaaneq inerteqqutaavoq. | 10 |
19 |
| Kollegiani eqqiaanermi ataatsimiinnermilu peqataanissaq pisussaaffiuvoq, allamik isumaqatigiissuteqarfigisimanngikkaanni. | 3 |
20 |
| Kollegie-mi nangikkiartoqaqqusaanngilaq tassa eftester-toqaqqusaanngilaq, peqataasut tamarmik mianersoqqussummik tuninineqassapput. |
7 |
21 |
| Illumi malittarisassanik malinninnginneq mianersoqqussumik malitseqartitisoqarumaarpoq Assersuutigalugu ataatsimiinnerni torersaanerniluunniit peqataanngikkaanni | 5 |
22 |
| Pulaartut arlaannaatigulluunniit najugalinnut akornutaassanngillat, ilinniartullu ineqarfiat kingusinnerpaamik nal. 22.30 qimariissallugu | 2 |
23 |
| Ilinniartut ineqarfiini najugallit tamaasa paarlakaallutik illumi pigaartuusarput. Illumi pigaartuusup akisussaaffigaa igaffiup isersimaartarfiullu torersuunissai.
| 1 |
Point qanoq paasineqassappat.
Pointsilersornermi suliassat assigiinngitsut tulleriaarneqarneranut tunngasut eqqarsaatigalugu ingerlatsinissami suliarineqartussaasssammata. Taamaatullu eqaartorneqartussaasinnaapput suliat ataasiakkaaniknngaannit arlalinnut ignerlanneqartussat.
- Ersarissumik uuttoriminartumik nalunaarsuineq anguneqassaaq
- Allaffissornikkut oqinnerusumik sananissaq pilissaaq
- Oqaloqatigiinneq aallaavigalugu aaqqiiniarneq salliutinneqassaaq
- ilinniartoq aallaavigalugu iliuusissanik periuseq ingerlanneqartassaaq.
- Malittarisassanik malititsiniaaneq pillaaneq siunertarinagu taamaattorli sukumiisumik ileqqorissaartumik ineqartoq peqatigalugu aaqqiiniarnissaq anguniarlugu suliarineqarput.
- Kollegiani najungallit tamarmik kollegianiinnissamut tikilluaqqusaasumik misiginissaat anguniarneqarpoq.
- Suliniutit aqqutigalugit pointinik ikilisaasoqarsinnaanera ingerlanneqartassaaq ineqartoq peqatigalugu. Suliniutit tamarmik Kollegialederimit aatsaat akuerineqarsimasut ingerlanneqartassapput.