Anguniagaq takorluukkallu
Anguniagaq takorluukkallu
Anguniagaq
Unuilip Inatsiartut Inuussutissarsiornermi ilinniartitaaneq pillugu peqqussutaat malitsianillu maleruagassat naapertorlugit pisussaaffigaa atorfeqartitaminik inuussutissanik nioqqutissiornerup sammisaqarfiisa iluini tamani naafferartunik ilinniartitssillunilu ilinniartitseqqittarnissaq pisussaaffigaa.
Suliassaq tamanna inuussutissarsiutini pisussaaffeqartut qanittumik suleqatigalugit suliarineqassapput, taamaasilluni inuussutissanik inuussutissarsiorfiit pisariaqartitaat pitsaanerpaamik anguneqassaqarfiussammata.
Taamatuttaaq Inuilip sammisaqarfiit anguniagaqarfiisa iluini ilisimasanik qitiusumik katersuiffiusussaavoq. Ilisimasanik katerssuiffiullunilu misissueqqissaarfiussaaq aammalu inuussutissanik suliaqarfiit pillugit paasissutissanik siammarteriffiussaaq. Ilanngullugulu pingaartumik kalaallit nunaanni inuussutissanik nioqqutissiornerup annertunerusumik pitsaanerusunillu angusaqarfiunissaa pisussaaffigaa.
Takorluukkat
Ilinniartitsisunik ilinniarluarsimasunik atorfinittitsisarnissat qaavatigullu ilinniartitseqqinnernik qaffasinnersunillu ilinniaqqittarnissanik periarfissiisarnissat.
Ilinniarluarsimasunik piumassusilinnillu ilinniartitsinerni atorfinikkumasunik qanillattuinissaq pingaartinneqassaaq.
Ilungersortumik pingaartinneqartumillu ilinniartut ilinniakkaminnik naammassinnissaannik kajumissaariuarnissaq suliassat pingaarnerit ilagissavaat.
Ilinniarfigiuminartunik kajuminnartunillu ilinniarfiit avatangiiseqarlutillu malugisaqarfiunissaat suliassat pingaartut ilagissavaat.
Ilinniarfinnik timikkut tarnikkullu peqqiffiusunik piumassuseqarfiusunillu pilersitsinissat pingaartinneqassapput.
Kalaallit nioqqutissiaannik inerititsinissat saqqumilaartitsinissallu pingaartinneqassapput.
Inuili ”Kantinamik Peqqinnartuiliorfittut” maligassiuisuussaaq.
Inuili inuussutissaliornermi ilinniarfittut nunat tamalaat akornini akuerisaassutut inissittariarpoq.
CSR ilinniarfiup iliuuseqarfiini tamani atuutsinneqassaaq, ullullu tamaasa atorneqartariaqarluni.
Elektonikki iluaqutigalugu ilinniartinermi periutsit nunat tamalaat akornini atuuttut naapertorlugit ingerlanneqassaq.
Kalaallit Nunaat qaffasissumik suleqataasariaraapoq.
Periusissiat tamakkiisut:
Qulaani saqqummiunneqartut piviusunnortinneqarnissaat angujumallugit Inuili 2021-ip tungaanut
makkua eqqumaffigalugit pingaartillugillu sulinerminik ingerlatsissaaq:
- Ilinniartitsinerup pitsaassusaa qaffassarneqassaaq aammalu ungalugisat nutarterneqarlutillu pitsanngorsarneqassapput:
- Attaveqaatinik atuillualersinnaanerit
- e-learninginik ilinniartitsineq aallartinneqassaaq.
- Ilisimasaqarnerulerneq nukittorsarneqassaaq.