Savaatilik
ILINNIAKKAMUT ILINNIUSIAQ MAANI ATUARSINNAAVAT
Savaatilinngorniarneq
Piviusut
Ateq:
Nunaatilinngorniarnermut ilinniagaq – Savaatilik aamma naatitsisoq
Sivisussusia:
Ukiut pingasut
Immikkut sammisaqarneq:
Tunngaviusoq
Hovedforløb: Nunaateqarnikkut ikiorti
Hovedforløb: Savaatilik imaluunniit Naatitsisoq
Tunngaviusumik ilinnialivinnissamut isissutissat:
Meeqqat atuarfianiit soraarummeerneq assigisaaniluunniit 9. klasse karakteri E/02 kalaallisut aamma matematik
Ilinnialivinnissamut piumasaqaatit atuukkallartut:
Tunngaviusoq praktikkernerlu naammassineqarsimassapput, imaanngippat merit aqqutigalugu imaluunniit piginnaasat aallaavigalugit immikkut nalilerneqarsimallutit.
Ilinniarfimmiitilluni suliffimmut misiliineq:
Ilinniarfimmiitilluni suliffimmut misiliineq periarfissaavoq, malitassat aallaavigalugit.
Aningaasaqarniarneq:
Ilinniarnermut tapisianut suliffimmilu misiliinermut tapisianut malitassat atuuttut takukkit
Ilinnialeqqinnissamut periarfissat:
Ilinniagaq ilinniarfinnut pikkorissarfissanullu ingerlaqqeriarffissanut periarfissiivoq
Savaatilinngorniarneq
Nunalerinermik ilinniarneq – Savaatilik naatitsisorlu tassaavoq uumasunik, naasunik, pinngortitamik aammalu nunatsinni tunisassiornermik suliaqarnissamut soqutiginnittunut ilinniagaq.
Ilinniagaq Kalaallit Nunaanni pissutsinut naleqqussagaavoq, ingerlatsinermilu ineriartortitsinermilu pisariaqartinneqartunik piginnaasanik atuagarsornermillu ataatsimut katitigaalluni.
Tunngaviusumik ilinniarnermi nunalerinermi suliassat assigiinngitsut ilikkassavatit. Ilinniarnermi ilaatigut sammineqassapput uumasuuteqarneq, savaateqatigiit katersorneqarnerat, savaasanik meqqilersuineq, nerukkaaneq, nappaatinik pinaveersaartitsineq, eqqiluisaarneq, naatitsineq, suliffimmi avatangiisit isumannaallisaanerlu.
Hovedforløb 1-imi nunalerinermi ikiortitut ilinniagaqalissaatit. Tassani nunalerinermi suliassat nalinginnaasut ilinniassavatit, ilaatigut uumasut atugarissaarnissaat, nerukkaatissat, naasunik ilisimasaqarneq, maskiinat teknikkilu, aningaasaqarneq, pinngortitamik paarilluarneq, avatangiisinik mianerinninneq aammalu piujuartitsineq sammineqassallutik.
Hovedforløb 2-mi immikkut sammivissannik toqqaasinnaavutit – savaatilittut imaluunniit naatitsisutut. Tassani tunisassiorneq, ingerlatsineq, pilersaarusiorneq aammalu immikkut ilinniarfigisat iluani ineriartortitsineq suli itisilerneqassapput.
Ilinniarneq Inuili – Food College Greenland-imi Narsami ingerlanneqartarpoq, atuarfimmi atuarneq suliffimmilu sungiusarneq paarlakaajaallutik. Namminersorlutit sulisinnaaneq, akisussaaffimmik tigusisinnaaneq aammalu nunalerinermi suleqatigisatit peqatigalugit suleqatigiinneq ilinniassavatit.
Ilinniusiaq tamaat aajuk (pdf)
Nunaatilinngorniarnissamut ilinniusiaq – Savaatilik Naatitsisorlu
3. august 2026 aallarnerfigalugu atuutilersoq