Ilinniartitaaneq iffiornissamut tunngaviatigut paasisimasassanik pissarsiffiusarpoq aamma kaagiliornissat kinguleqqiusiornissallu eqqarsaatigalugit. Ilaatigut iffioriaatit nutaaliat – siornatigut iffioriaatsinit ineriartortitsisimanerup nassatarisai akulerussuullugit ilinniassavatit. Ilanngullugu pisinianik kiffartuussineq ilinniassavat.

Iffiugassaliortutut imaluunniit iffiortutut naamassisinnaavutit.

• Iffiugassaliortoq: Iffiornermi iffialiassat nalinginnaasut atorlugit iffiornissat ilinniassavat. Aamma kaagiliassanik sananermi ikiuunnissamut ilinniassaatit.
• Iffiortoq: Tunisassiat sananeqartussat pillugit ilinniassaatit, iffiugassaliorneq iffiornerlu. Tamatuma saniatigut kaagiliortarnerit assigisaallu ilinniassavatit.

Takuss. 1-mi ersersinneqarpoq iffiortutut ilinniagaqarneq marlunngorlugu aaqqitaasoq, arlaat naamassigukku unissinnaasunngorlutit. Iffiussaliortunngorsinnaavutit ukit 3-t ilinniareerlutit, iffiortutullu ukiut 4½-t ilinniareerlutit. Ilinniartitaaneq imatut ilusilersugaavoq: tunngaviusumik ilinniarneq, pingaarnerusumik ilinniarneq, akornanni sungiusaatigalugu sulisarluni. Tunngaviatigut ilinniarneq Inuilimi ingerlanneqartarpoq, sap.ak. 10-t marloriarlugit. Ilinniarnermi pingaarneq alloriarfittut 1 aamma 2-tut aaqqitaavoq, assigiinngitsumik sivisussusillit, taakkuli Uddannelsescenter Holstebromi ingerlanneqartarlutik.

Takuss. 1

Ilinniartitaaneq imatut aaqqitaavoq, iffiugassiortutut aallartissimaguit, taava iffiortunngorniartutut ingerlaqqissinnaallutit.

Ilinniarfimmiittarnerit

Inuilimi Uddannelsescenter Holstebromilu ilinniartarnerit imatut aaqqitaapput:

Inuili:

• Tunng 1: sap.ak. 10-t
• Tunng 2: sap.ak. 10-t

Uddannelsescenter Holstebromi:

• Allor. 1: Ilinniarfimmi 1: sap.ak. 4, Ilinniarfimmi 2: sap.ak. 4
• Allor. 2: Ilinniarfimmi 3: sap.ak. 4, Ilinniarfimmi 4: Sap.ak. 3, Ilinniarfimmi 5: sap.ak. 2

Ilinniagaq

Ilinniarfimmi ilaatigut makku ilinniassavatit:

• Iffiorneq/timiusiorneq
• Kinguleraliorneq
• Flødekaagit, lagkagit
• Naqittakkiorneq
• Kaagit assigiinngitsut
• Aalatipilullugit sanaat.

Ilanngullugu ilinniassavatit nammineq nakkuutilliisarnissat suliffiullu pissuserisaanik nalilersuisinnaaneq, pisiassanik ilisimaarinninneq taamatullu tuniniaaneq kiffartuussinerlu.

Ilinniarfimmi oqaatsit

Ilinniarnermi atuagassat danskisut allaqqasarput amerlanertigullu danskisut ilinniartitsisoqartassalluni. Piareersimaffigisariaqarpat soraarummeerutit danskisut suliassaanissaat pillugit.

Sungiusaatigalugu sulineq

Sungiusaatigalugu ilinniarnermi suleriaatsit ilinniarfigissavatit. Sungiusaatigalugu ilinniarfigisassat akuerineqarsimasussaavoq imaluunniit Inuilimi sungiusaatigalugu ilinniartuusinnaallutit. Naammassiguit ilinniarsimanerit pillugu allagartartaartinneqassaatit.

Tunngaviusumik ilinniartuunerit aallartissagullu, atuartuusimanermit piumasaqaatit naamassisimassavatit. Meeqqat atuarfiarfiannit soraarummeerutit naamassisimassavatit imaluunniit allatut naamassinninnerit isumagisimassallugu.

Tunngaviusumik ilinniartuulernissamut piumasaqaatit

10. klassimiit assingusutigulluunniit soraarummeerninni kalaallisut, danskisut matimatikkimilu soraarummeernermi minnerpaamik agguaqatigiissillugu E/02 angunikuusimassavat.

Tamatuma saniatigut sungiusaatigalugu ilinniartuunissamut suliffeqarfimmik isumaqatigiissuteqar-simaguit, ilinnialernissamut piumasaqaatit naamassisimassavatit.

Ilinniarnerup pingaarnerusortaanut isissaguit piumasaqaatit

Ilinniarnerup pingaarnerusortaanut ingerlariaqqissaguit tamanna piumasaqaatitaqarpoq. Tassanimi aallartillutillu ingerlatsissaguit taava tunngaviusumik ilinniarnerni imm. 2 naamassisariaqarsimassavat, aammalu
fagi una angusiffigisimassallugu:

• Avatangiisit pillugit fagi, E-mik angusaqarfigisimassagakku.

Tunngaviusumik ilinniarnerni – ilinniarnerup pingaarnerusortaanik aallartitsinnginninni – makkunuunatigut uppernarsaatinik pissariaqarsinnaavutit:

• Nalinginnaasumik nerisassiornerni eqqiluisaarnissaq
• Ikiueqqaarneq
• Ikuallattumik qamiterisinnaaneq.

Tigusaanissamut piumasaqaatit

Ilinniagaq una naamassigukku, pingaaruteqarpoq:

• Tamatigoortumik suleriaaseqarnissat
• Ilusilersuillaqqittuussasutit
• Kiffartuussillaqqillutillu pisiniartunik oqaloqatiginnillaqqissuussasutit
• Ullaakkut iteriallammaassasutit, aammalu sap.ak. naanerini sulerusussuseqartassasutit.
• Inimi kiattorujussuarmi sulinissat sapissanngikkit.

Ukiup qanoq ilinera apeqqutaatinnagu iffiortunngorniarusullutit qinnuteqaateqarsinnaavutit.

Ilinniarnernut atatillugu sungiusaatigalugu suliffissarsisimaguit, najugaqarfinni Majoriamut saaffiginnissaatit. Majoriap ilinniartutut isumaqatigiissusiorninni ikiussavaatit. Taanna illit ilinniarfissarpillu atsiussavarsi, atsiorneqareerpallu Inuilimut nassiunneqassalluni. Tamatuma kingorna atuariartornissamut aggersarneqarumaarputit.

Ukiup qanoq ilinera apeqqutaatinnagu ilinniartunngorsinnaavutit.

30-nik ukioqalereersimaguit inersimasutut ilinniartunngorniarsinnaavutit.

Ilinniarninni sungiusaatigalugu suliffissarsisinnaanngikkuit, Inuilimi tamatuma ingerlassinnaanissaanut periarfissaqarputit. Taamaasiorniaruit aamma Majoriaq aqqutigalugu qinnuteqaateqarsinnaavutit.

Ilinniartitaaneq akeqanngilaq. Ilinniartup sungiusaatigalugu ilinniarfimmilu ilinniartuunermini ilinniartutut akissaateqassaaq. Ilinniartutut akissarsiassat sulisitsisussarpit soqutigisaqaqatigiiffippillu akor-nanni isumaqatigiissutigineqartarpoq. Ilinniartuunersiuteqarniarlutit qinnuteqaateqaruit, aamma meeqqamut tapisiaqarnissaq qinnuteqaatigisinnaavat. Ilinniarnernut tunngatillugu angalanerit, maleruagassat naapertorlugit akilerneqartassapput.

Ilinniarfimmiinnerni ineqarnermut nerisaqarnermullu akiliuteqartartussaavutit.

Unikkallarnissat qinersimagukku, kingorna ilinniarnernut uteqqissinnaavutit taavalu ilinniarnerit nangeqqillugu.

Iffiortup nalinginnaasumik unnuaannakkut sulinini aallartittarmagu, suliartujaartarnissat naatsorsuutigisariaqartassavat.

Iffiortutut periarfissasaqassaatit illit sunniuteqarfigisinnaasannik sanaartoqataanissamut. Iffiortut amerlasuut iffiorfinni kaagiliorfinnilu angisuuni sulisuusarput. Aamma periarfissaqarfigivat nammineq suliffiutissannik aallartitsinissamut.