0-miit 6-mut ukiulimmik/nik meeraqaruit najortigalugulu/illu, kommunerisanni socialudvalg-i aqqutigalugu meeqqap/at nassarnissaa/t qinnutigisinnaavat.

Kommunerisavillu socialudvalg-iata isumagissavaa Narsami socialudvalg-i aperissallugu, Narsami meeqqeriviit pingasuusut arlaat illit meeqqavit inissaqarnersoq/sut paasiniassallugit.

Tamannalu akuersissummik takussutissartaqalerpat, meeqqamut/nut akiliullugit angalatinneqarnissaannut aningaasaliisoqassaaq.

Illoqarfigisanni/nunaqarfigisanni ilinniarfiup isumagissavaa meeqqap/t angalanissaanut/nnut billet-mik inniminniinissaq.

Meerarli/qqalli atualereersimappat/ta inuili-mut nassarnissaanut qinnuteqassaatit, inuili-mi siunnersortit allaganngorlugu qinnuteqaatit akuerisinnaappassuk, meeqqap/at akiliullugit angalanissaat isumagineqassaaq.

Allaganngorlugu akuersissut ilinnut illoqarfigisannilu ilinniarfiusumut allaganngorlugu nassiunneqarumaarpoq, illoqarfigisannilu linniarfiup angalanissamut inniminniineq isumagissavaa.


Meeqqamik/nik Inuili-mut nassarneq

Eqqarsaatigilluaqqaagassaaavoq Inuili-mut ilinniariarniarluni meeqqap/at nassatariniaraanni.

Meeqqap/at nassatariniarlugit qinnuteqaasiunnginnermi tikilluaqqusaavutit Inuili-mi siunnersortit arlaannik oqaloqatigeqqaarnissaat, imaluunniit illoqarfigisanni Inuili-mut ilinniariarsimasut arlaat meeqqaminik nassataqarsimasoq tusarniaavigisinnaavat.

Apeqqutissanik piareersaalluarsimasariaqarputit akissutissanillu pimoorussisunik akineqarnissat piumasaralugu. Qanoq nassuiaassisoqarneranik tusarnaassaatit paasinnillutillu. Akissutit amerlanersaat sangusittarlugillu mumisittareerukkit aalajangerumaarputit ilumut meeqqat/it nassarniarnerlugu.

Inuil-mi kolligie-t ilaqutariinnut inissamaateqanngillat.

Inuili meeqqanut tulluussakkanik ininik iluameersunik peqanngilaq.

Piffissaq annertooq atorlugu ilinniakkerisartussaavutit.

Immikkut eqimattanngorluniluunniitProjekt-nik ilinniakkerisarnissaq aamma ingerlanneqartartussaavoq.

Immaqa aamma meeqqavit nakkutilliisussaanik nassaarneq ajulissaatit ilinniartoqatitit ilinniagassaqarmata misilittaallutilluunniit illit peqataaffigisassaraluannut.

Toqqissisimavigisamiit nuunneq/nuukkallarneq meeqqamut/nut mumisitsinerujussuusarpoq, soorlu neriumannginnerit tusaajumannginnerit sinikkumannginnerit il.il. angerlarsernermik kinguneqartumiit takkussinnaasarput.

Sulisulli Inuili-mi ilisimaarilluarpaat ilaquttaniit peqannginngeq qanoq ajornakusoortigisinnaanersoq ingammillu meerarisamiit peqannginneq.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.