Apeqqutaanani ilinniartuunersutit imaluunniit pikkorissariarnersutit, sapaatit akunnerini 1-3-4-10-13-niluunniit Kolligie-t najugaqartinneqassaguit, pinngitsoorani inuunernut sunniuteqaataasorujussuussaaq.

Kolligie-nimi najugaqarneq isumaqarpoq inuit allat nalusat ilinniaqatit imaluunniit pikkorissariat najugaqatigilernissaat, aatsaallu angerlarsimaffik qimallugu iliniariaraanni imaluunniit aatsaat amerlasuunik ineqateqalerluni tamanna annertuumik ilinnut sunniuteqarsinnaavoq.

Kikkunnullu tamanut isumaqarpoq akisussaaffeqarluartumik ataqqinnittumik ammasumik pissuserissaarnermillu pissusilersornissaq.

Pingaaruteqarluinnartumillu pisarninniit ilinnut inoqatinnullu akisussaaffiimmik immaqalu pissuserissaarnissamik annertunerusumik piumaffigisariaqarputit ilatit eqqarsaatigalugit imaassinnaammat ilinniakkeriniarlutik nipituulioqqusinngitsut imaluunniit innajaarusullutik pisut, tamannalu ataqqeqatigiinnikkut angusassaalluni.

Immaqalu aamma pisarninniit qanoq misigininnut eqqarsarnernullu ammanerusariaqarputit.

Imaassinnaavortaaq pisarninniit imaluunniit aatsaat ilinnialerit inoqatinnut ataqqinninnerusumik pissusilersornerusariaqalernissat, soorlu allat misigissusaannut oqaasiinut iliuusaannullu sungiusimanngisannut.

Tamakkualu tamarmik ilinniaqatinnut pikkorissaqatinnut Inuili-milu sulisunut inuttut ineriaataasumik misigisaqarluarnermillu tunniussisinnaapput.

Cookies

Inuili.gl-ip cookies atorpai

Cookies pisariaqarput nittartagaq iluamik ingerlanissaanut, paasissutissanillu tunisisarluni illit atuisoq qanoq nittartagarput atornerit, taamaalilluta uagut ilinnut allanullu atuisunut nittartagaq pitsaanerusumik atornissaanut aaqqiissinnaassalluta. Inuili.gl-ip cookies-it trafikmåling-mut, login-imut taavalu nittartakkap qupperneranut iluarsaassinermut pingaarnertut atortarpai. Nittartagatsinni ingerlaqqikkuit, cookies-it atorneranut akuerississaatit.