Attaveqaat sunaava?

Attaveqaat tassaavoq taanna ilinniartunut aqqutissiuussisussaq.

Siullermeerlutit inuili-mut ilinniariartussanngoruit piffissami siullermi inummik aalajangersimasumik attaveqaatilerneqassaatit, taassuma ilinniarnerpit aallartisalernerani illit peqatigalutit anguniakkannut ajunngitsumik oqilisaasseqataallunilu aqqutissiuusseqataassaaq.

Inuk pineqartoq ilinniartitsisuuvoq, kisiannili inuili-miit piumaffigineqarluni atuagarsoriartornitit tamaasa attaveqaatitut/aqqutissiuussisutut atuuteqassasoq.

Attaveqaativit Inuili-mut tikiunninniit, sapaatip akunnerata iluani oqaloqatiginiarlutit qaaqqujumaarpaatit. Oqaloqatigiinnissinni eqqartorumaarpasi, kinaanersutit, suniarnersutit aammalu qanoq isummersuuteqarnersutit.

Atuarniarnerup kisitsinerullu tungaatigut ajornartorsiuteqaruit ernumassutissaqanngilatit attaveqaativit attaviginissaanut, taassumami qanoq pitsaanerpaamik ilikkagaqarnissannut siunnersorsinnaajumaarpaatit. Pisumi tassani ilikkarniarnerit ilikkassavat.

Attaveqaativit ilinniartitsisorisatit attavigissavai taakkualu isumaqatigiissutigissavaat qanoq pitsaanerpaamik ilikkartissinnaajumaarnerlutit.

Angerlarsileruit imaluunniit aliasuleqqallutit taava attaveqaatit attavigisinnaalluarpat.

Illit attaveqaatillu nuannersumik attaveqaqatigiissinnaalissaasi aammalu tatigeqatigiilluarsinnaalerlusi.